بنات الناس لعبه واختك لا

كل الأمر يعود للبنت وليس للرجل

بغض النظر لو كنت ذيب ولا كذاب ولا غشاش ولا بدون مشاعر ولا اي شي مع البنات

البنت لو ما واعطتني وجه أنا حأسكت وأمشي وكإن ما صار شي

نسمع هذي القصص كثيره والبنات يعرفوا إنوا الحب إلي كدا ما له فائده

لكن بيحبوا ويطيحوا في فخه بإرادتهم

لو البنت متربيه وأهلها ربوها صح حتعرف إنوا الحب بالطريقه دي خطأ

والباب إلي يجي منه الريح سده واستريح

لكن ما أدري إذا كانوا ( أغبياء وعذرا على الكلمه )

كلكم تعرفوا وتسمعوا المشاكل دي لكن ما تتعظوا أبدا

أنا لو أختي في نفس الموقف بفهمها وأحاول أبينلها الغلط وأعوض الشي الي نقص عليها وراحت دورت عليه برى البيت

ولو ما عقلت نتخذ الأمور القاسيه

إلى متى حتكونوا كدا تتكلموا عن القصص وتقولوا الشباب الشباب

لا تعطونا وجه وسدوا كل باب يجي منا وشوفوا كيف النتيجه

لكن البنت ما احترمت نفسها واعطتنا وجه واتكلمت معانا تتحمل غلطها

واحد اتصل لا تعطوه وجه ولو كثر اعطي الرقم لأبوكي ولا أخوكي ولا أي احد

واحد عاكسك جمعي الناس حولينه

واحد راسلك بالمنتدى لا تردي عليه ولا تعطيه ي وكإن ما رسل شي

إضافه على الماسن اعرفي من هوا وبلكيه

كلها امور بسيطه وتسد أبواب عظيمه

لكن ما تتعظوا

كلام جميل ابوخليل

ولي رجعة لتسجيل بصمتي

طييب مااختلفنا ياابوخليل كلامك جميل


بس ترى مافي انسان في دي الحياه مايغلط

النفس ترى اماره بالسوء وفي ناس اهاليهم يربوهم احسن تربيه لكن بلا فائده سبحان الله


ترى اشياء كتير تجر الصحبه السيئه وغيرها

ايش معنى انتوا العيال تسوا الا في بالك وتدقوا على دي ودي الين تلاقوا وحده ضعيفه نفس وتهجموا عليها

كمان انتوا لكم دور في الخطا

انا ماابرا البنات بس كمان انتا لكم دور

وانت ليه تقعد تدق على خلق الله لو واحد دق على اختك تلعن سابع جد

لو وحده دعت عليك وكانت لحظه استجابه وقالت الله يوريك في اهلك ,,,,,,,,, ها اكيد لها دور الدعوه دي ولا

وانتوا من البدايه ليه ماتحترموا نفسكم طبعا سلامة الطيبين


ولي عودة

شوفي يا عبير وبالعربي وبدون لف ودوران

قال الرسول صلى الله عليه وسلم : ( ما تركت بعدي فتنة أضر على الرجال من النساء )

قال الله تعالى في كتابه الكريم : ( زُيِّنَ لِلنَّاسِ حُبُّ الشَّهَوَاتِ مِنَ النِّسَاءِ )

ليش ماقالوا الرجال فتنة النساء ولا زين للنساء حب الشهوات من الرجال

ترى إحنا الرجال نتعذب كل يوم إلا من رحم ربي

صوت المرأة وشكلها وكل شي فيها إحنا نموووووووووووووووت فيه

فإيش تتوقعوا منا وإنتم ما حافظتوا على نفسكم

حلى مكشوف شكله جميل جدا ورائحته زكية وطعمه أجمل (وهذا مثل المرأة )

تتوقعوا الذباب والحشرات ما حتتجمع عليه ( وهذا مثل الرجال وحاشاكم واعذروني على الكلمه )

لكن لو كان مغطى ومحطوط في الثلاجه كان ولا شي جا عليه

المسألة منتهيه وما يبغالها كلام





</A></A>

الكل داخل في الخطا

اختلاف الراي لا يفسد للود قضيه

البنت اللي حابة تكون لعبة تكون محد يقدر يمنعها والبنت المحترمة تقدر تفرض احترامها على كل



لانو البنت المحترمة ما تقبل العلاقات الغير شرعية ابدا ولا الكلام الفاضي دا


فكيف تجي بنت حقت علاقات وحب ومش عارف ايه وبعدين تجي تقلك انا ماني لعبة


طب مو كفاية انتي خنتي ثقة اهلك ومسوية حقت علاقات وكلام فارغ



وعلى قولة اخي الجاكور احمدو ربكم على النعمة دي

اغلب البلاوي اللي بتصير كلها بسبب غباء البنت نفسها ووتصدق اي مين بسرعة

وفي النهاية تجي تقلك انا ماني لعبة

بس الواحد مايقدر يعمم لانو من قال هلك الناس فهو اهلكهم

لكن الاغلب هودا الحاصل

ومثل ماقال الجاكور في امريكا ليش الاغتصاب عندهم كثير عشان الحريم مكشوفين رايح جاي

لكن عندنا التحرش ليش كثير عشان البنت تلبس مدري كيف وتطلع الشارع وعاد تعرفو الباقي

طب المشكلة فين يعني

مشكوره اختي على الكلام الجميل

بس سبحان الله في ناس الي في راسهم في راسهم

انا مبدأي ماراح اغيروا عشان احد

من جد في ناس اتربوا على كشف الوجه خلاص الدنيا قامت

سبحان الله الواحد يقول وخلاص

ونسيت اقول انو صحيح انو اختي ولا خالاتي ولاعماتي ولا ايه وحدة فيهم ملائكية ومثالية مية المية

مافي احد معصوم عن الخطأ بس خطا عن خطأ تفرق

يعني واقعنا المرير ماهو مبرر لأي بنت انها تدخل في العلاقات والكلام الفاضي وتجي تقلك والله ماني لعبة

طيب لو منتي لعبة وش دعوة تدخلي في العلاقات والكلام الفاضي

والسلام عليكم ورحمة الله وبركاته

نراكم عما قريب ان شاء الله


ولاحد يزعل هذي كلمة حق

عبودي ما غلط

بيتكلم عادي جدا وما وجه كلام لشخص بعينه لكن بيتكلم عن فئه

ولو بيوجه الكلام عليكم كان قال اساميكم

طريقة كلامه وحواره بأنه يحط نفسه في الحوار

انتم بتتكلموا عن الشباب وأنا برد عليهم

لكني مو منهم ولا عبودي يسوي حركاتهم هاذي وكذلك أنتم لكن عشان الحوار فقط

وإلي على رآسه ريشه يحسس

عندي مجموعة أسئلة حيرتني وأتمنى تجاوبوا عليها بكل صراحه لأنها حتعكس شخصية جاوبها وطريقة تربيته

إيش رايك في البنت المحتشمه وإلي تلبس عبايه إسلاميه وما تبين شي من جسمها ومعالم جسمها مخفيه جدا وتخرج بمحرم كما أمر الله تعالى ورسوله ؟؟؟؟؟؟؟؟؟؟؟؟

وإيش رايك في البنت المحافظه إلي تكشف وجهها فقط وما تحط مكياج وتلزم أدبها ؟؟؟؟؟؟؟؟

وما هيا حقوق المرأة التي تطمحوا للحصول عليها ؟؟؟؟؟؟

وما هيا تصرفات اخوانك عندما تكشفين وجهك وكم اعمارهم ؟؟؟؟؟؟؟؟؟؟؟؟

الاسئله دي اي بنت تشارك وتعطينا اجاباتها

وانا اقلكم استنتاجي على كلامكم ولحد يزعل

ما شاء الله عليكي يا احاسيس جاوبتي بصراحه

الرسول قال أظفر بذات الدين تربت يداك

وأتمنى تكوني زيها

اتعودتي تغطي وجهك وهذا دليل على التربيه الحسنه

لو بتخرجي وتشوفي أكثر مشاكل الشباب والبنات والمضايقات حتشوفي البدايه الكشف

المفروض الحياء يمنعها تكشف وجهها قدام الرجال وهذا يسبب موت الغيره والحياء تدريجيا لا شعوريا

الشيطان اشطر مني ومنك ومن كل الناس ويعرف كيف يوصل لمراده

البدايه تكشف البنت وجهها ونقول هاذي تربيه وبعدين البنت تكشف شعرها ونقول تربيه ما دام نيتها سليمه

البنت الي مو متعوده تكشف وجهها زيك يا احاسيس وطلبوا منها تكشف ما تقدر

حتواجه صعوبه شديده وحرج وخجل شديد يمنعها لكن مع التعود حتموت الغيره ويموت الحياء وتصير عادي

إيش فائدة البنت بدون حيائها وخجلها

الشاب اول ما يشوف بنت سواء كان طيب ولا نجس بيشوف في وجهها وبعدين ينتقل للجسم وتضاريسه

عز الطلب لو كشفت وجهها كل الشباب يكحلوا وهذا المطلوب وبعدين كل واحد وتفكيره

التربيه هاذي غلط في غلط

وتفكيرك ما شاء الله المفروض ما يكون كذا وإنتي أكبر من كدا

روحي شوفي ما بين كل صاحباتك إلي يكشفوا وجههم حتشوفي فيهم جرأة عجيبه مع الشباب ويتكلموا معاهم ويردوا عليهم

الغيره شبه معدومه فيهم وحتلاحظي الشي دا

ونادرا تشوفي بنت تكشف وجهها وتكون مثل المحجبه بأخلاقها وحيائها وخجلها

التفكير دا بيوديكي في داهيه فأنتبهي مادام إنك ماشيه صح

ولا عندكم رأي ثاني

اسم على مسمى يا قود قيرل

إجاباتكم حلوه جدا

طيب آخر سؤال

رحتي السوق إنتي وصاحبتك وهيا عزيزه جدا على قلبك وتحترمي رأيها وصديقة عمرك

وكشفت وجهها وطلبت منك إنك تكشفي وجهك معاها والسوق ما فيه إلا رجال قليل لكن موجودين في كل مكان

حتوافقي ولا لأ وأعطيني السبب في الإجابتين ؟؟؟؟؟؟؟؟؟؟؟؟

السلام عليكم ورحمة الله وبركاته

عدنا إليكم من جديد

اول شي احب اوجه تحية لجميع المشاركين واقول لهم ترى هذا كلو حوار عادي يعني ماهو تصفية حسابات شخصية ولا تطاول على أحد وانا ما غلط على احد

ومييين قلك انو هادي مباادئي !!!!!! ...مبادئي أحسن المبادئ ...

مااخرج الا وماا اشووف غيير طريقي وبسسسس ...والدليل الحمد لله ..

ما قد تعرضت للمواقف دي اساسا والله لا يوريني هيا!!! ...

لو سمحت مرا تانيه راجع كلامك ...تربيتي محد يتكلم عليهاا

اولا يا قود غيرل محد أتكلم على تربيتك وراجعت كلامي وماشفت فيه حاجة
وحتى انا كمان اذا خرجت ما اشوف الا طريقي لكن الكلام فين الكلام في اللي بيصير في الطريق

ايــــــــــش؟؟؟ شووف يا ابن الحلال ...الحركاات اللي انت كاتبها انا ابداا مو منهم أوكيييي؟؟؟

لا وكماان ظن ســووووء !!!!! استغفرك ربي واتوب اليك ....

ومين قال اني قلت انك منهم انا كلامي كان بصورة عامة وطبعا ما كنت اقصدك شخصيا يمكن الحماس كان لو دور بس ابدا انا ماتعرضت لك ولي شخصك الكريم
وبخصوص سوء الظن لاتنسي ان الرسول الكريم عليه الصلاة والسلام قال (من هلك الناس فهو اهلكهم ) يعني الحمدلله انا ما اسئت الظن فيك ولا في أحد من المنتدى لكن كلامكم خالي من الواقعية والمنطقية
وقال الشاعر : لا نتهي عن أمر وتأتي به عار عليك ان فعلت عظيما
فكيف اسوء الظن ببنات المسلمين واكون من اهلك الناس والغياذ بالله

اولا انا مو من ينبع...عايشين في ينبع عشان عمل ابويا ...

...اصولي وجدوري كلهاا من المدينه ...وما يحتااج اتكلم عن تربية اهل المدينه ...طيب
وانا من مكة وعايش في الدمام عشان عملي
واصولي وجذوري من مكة ومين دا اللي تكلم عن تربيتك توك تقولي انا اسئت الظن فيك وكلامي نحوي كلو سلبي

تالتاا : شوووف انا ايش كاتبه فوووق ...المفرووض بنت سواء محتشمه مكشووفه في كلا الحااالتييين

تغضوووو البصـــــر ...ومااعتقد تحتاجو افكركم بالايه الكريمه اللي تأمرنا وتأمركم بغض الابصاار ...


ومايحتاج اعيد الاية حقت التبرج

بس انتي تدري في حاجة نسيت اقولها

الله عز وجل قال في الاية الكريمة السابقة
قال تعالى : ( ينساء النبي لستن كأحد من النساء إن اتقيتن فلا تخضعن بالقول فيطمع الذي في قلبه مرض وقلن قولا معروفا)

شفتي كيف الله قال فيطمع الذي في قلبه مرض وفي نفس الوقت قال وقلن قولا معروفا عشان لا يطمع يعني الواحد ما يطمع الا اذا كان في سبب يخليه يطمع وطبعا هذا مو كلامي

رابعا: انت بتقولي انو انا بنظر نظره ملائكيه !!! ...

انا بنظر للمجتمع من كل النواحي ..مابقولك انو مافي بنات كدا !!

طيب ممكن تقنعيني بموضوع النية دا اذا سمحتي
ومجمتعنا فيه خير ان شاء الله حتى قيام الساعة

واعيد واكرر من قال هلك الناس فهو اهلكهم

بس أنت نظرك للمجتمع تشائميه ...وانت حررر ...
هيا مو نظره تشائمة وانما نظرة شمولية تحت مسمى الشر يعم والخير يخص واكيد انا حر طبعا

وعلى العموم اشكرك ردك وانا مدرك تماما انك ولا اي احد في المنتدى ان شاء الله فيه من الكلام اللي فوق بس لانضحك على بعض هيا موجودة وعيني عينك
ولا تأخذي الموضوع على نحو شخصي واعراض الناس ماهي لعبة حتى الوحد يجي ويطعن فعشان كدا انا اكرر اني ما تكلمت في تربية احد كل مين حر بنفسو



عبودي

مافي داعي للغلط

خلاص
كل واحد يحترو وجهه نظر الاخر

والكل يرجع ويستدل بالقرءان الكريم


اهلا وسهلا بأحاسيس

الحمدلله انا ماغلطت وماقلت حاجة غلط
وانا ولله الحمد محترم نفسي اولا عشان الناس تحترمني ثانيا
وطبعا انا استدليت بالقران الكريم والاحاديث الكريمة وابيات الشعر وما اعتقد ان القران والاحاديث فيها غلط على احد وحتى بيت الشعر كمان

فمدري فين الغلط

وعموما شكرا لك على ردك علي

وربي يوفقك ويبعد عن عيال الحرام ويصلح الجميع
شوف احنا احترمنا وجهة نظرك بس لاتتكلم زي كدا



انت هدي وجهة نظرك وهدي وجهة نظري

انتوا كل شي تحطوا الخطا على البنت ابد مايغلطوا نفسهم انت الي بتفكر تفكير........

يعني انا قليل ادب قصدك ولا ايه

عموما مشكلتك احسبيها زي ما تحبي انا ماني شايف نفسي غلطت

انت هدي وجهة نظرك وهدي وجهة نظري

مدام كدا الوضع اش اللي مزعلك طيب

انتوا كل شي تحطوا الخطا على البنت ابد مايغلطوا نفسهم انت الي بتفكر تفكير........

ايوة البنت اللي تخرج من بيتها في وضع مأساوي تستاهل اللي يجيها وغير كدا كمان في حديث ماني حافظ نصو بس فيما معناه يقول ان المراة اللي تخرج من بيت زوجها بدون إذن تلعنها الملائكة حتى ترجع وفي حديث اخر طوبى لإمرة رضي زوجها عنها
يعني حتى الرسول عليه السلام تفكير ..... حسب زعمك طبعا


بعدين الجيل اتغير انا اول وحده اتفرجت نور ومسلسل سنوات الضياع بس مو معناته انوا الدنيا انتهت الحمد لله محافظين على اخلاقنا
طيب الجيل اتغير مو معناته انه يروح للهاوية إذا انتي مثلا لاقدر الله تشوفي انو هذا هوا التطور والتقديم فهذا يندرج تحت مشاكلك الخاصة
والدنيا ما انتهت لانو من قال هلك الناس فهو اهلكهم

نا شفت في برنامج خواطر البنت كاشفه بس مهي حاطه لا مكياج ولا عبايتها ضيقه على قولتك والعيال عاكسوها والله البنت الي ماسكه نفسها ماراح يجيها شي والولد الي يغض نظره ماراح يشوف هدا كله

عفوا :
انا لا أستقي الفضيلة من قنوات تدعو الى الرذيلة

وهل برنامج خواطر يمثل كل أطياف المجمتع ام انه يتحدث عن فئة لا تمثل ولا واحد في المية من المجتمع
وبعدين خواطر بيروح يصور في اماكن معينة واللي هيا الاسواق وطبعا هيا مراتع واوكار المغازلين والمغالازت
وحتى في مقال مصور في جريدة شمس يصور حياة بنت كل يوم تطلع من الصباح وترجع الليل وشغلها بس تغازل العيال وترقم كمان وانا مستعد احط لك المقال اذا حابة طبعا

يعني لو انا كنت ماشي وغاض بصري وجات هذي وانبرشت عليا اش اسوي طيب

وبرنامج خواطر دا انا ما اتابعو ولا يجي معايا خالص فعشان كدا ما اقدر اوجه نقد مباشر للبرنامج دا
طيب ليش خواطر دا ماجاب مثل دي الحالات طيب
بس ردي اني انا ما استقي الفضيلة من قناة تدعو الى الرذيلة

حنا في مجتمع متطور للمراة لها حقوق انا ماقلت حقوق خياليه بس هدا من ابسط حقوقها انها تعبر عن رايها وانا اشوف كل واحد وتربيته والنعم ياقود بتربية اهل المدينه ولنا الشرف انوا يكون عندنا وحده زيك

وانا كمان من ابسط حقوقي اني اعبر عن رأيي والنعم بالكل محد قال حاجة


اخت بتعاملها كدا براحتك وكلوا بنت عندها اخوان ويخافوا عليها بس عمروا ماعاملوني بهدا الاسلوب الحمد لله اخواني واعيين ايش فيها لو كشفت وجهي في السيار بالذات وقت السفر والسيارة مظلله انا مااشوف فيها اي شي

ليش اشبها اختي اش اللي صار اشتكت لك مثلا يعني

واسمحيلي انتي مختزلة الكلام دا كلو في تغطية الوجه وحتى لو كنتي مسافرة في طيارة محد قلك غطي ولا اكشفي هذا كلو كما اسلفت في الذكر يندرج تحت مشاكلك الخاصة

وبعدين بنات كثير كانوا كاشفين ووجوههم واهو متزوجين وعايشين حياة سعيده
كل مكان وله عادات وتقاليد خاصة لكن نحنا بنتكلم عن اللي في نفس وضعنا تقريبا محد راح يرضى او بالاحرى الاهل اصلا ماراح يعطوني مجال لو قلت انا مثلا ابغى اتزوج كاشفة اهلي ماراح يرضو قبلي ليش لانو عاداتنا ما تسمح بغض النظر عن البنت وعلى افتراض انها انها بنت ناس وماعليها خلاف من اهلي محد راح يرضي قبلي انا
يعني عاداتنا ماتسمح
يعني مشكلتهم الخاصة

وبعدين اذا خليت اختك تخرج وهي مهي لابسه عبايه انا راح اسوي زيك

ماراح اخليها تدري ليش لانو هيا راح ترفض وحتى ولو سويتها مثلا لاقدر الله راح اكون ماني رجال ليه قد كدا مافي غيره

هدا تفكير اغلب العيال سلامة الطيبين

ايش السبب مدري


واذا انت ماتحب زي كدا في ناس يحبوا زي كدا
طبعا انا وفئة كبيرة من المجتمع مانحب والدليل على ذلك كل اللي مسويات حقين حرية وإنفتاح والكلام الفاضي عايشين في لبنان ومذيعات خارج البلد
ودليل آخر استغراب المجتمع من هذه الظاهرة

يقولوا مايتزوجوا المطربه ويجيبوها في افراحهم (( مثل مخترع))


بس هذا ماهو مقياس حقيقي

هذا كلو كلام وبهرجة

واللي يبغى يجيب مطربة مشكلتو

واسمحيلي اني اتجاوز هذي النقطة لاني لو قلت ابغى اتكلم فيها راح اوصل لمرحلة الاسفاف والافلاس الفكري

وشكرا لك على الرد علي وعلى الموضوع

وشفت يابو خليل اللي على راسو بطحة يحسس على قولك

يابنات لحد يزعل ترى الموضوع كلو مجرد نقاش

وانا ما اقصد احد شخصي يمكن يكون الحماس له دور

بس ابد انا ما اقصد ولكلكم بحسبة اخواتي فمايعقل اني اتكلم على اي وحدة بكلام غير لائق



قود غيرل وعبير الصمت واحاسيس

لحد يزعل الموضوع كلو مجرد نقاش وانا احب النقاشات الحادة



لحد يزعل لحد يزعل لحد يزعل


ومع السلامة

انا مازعلت ومااعتقد انوا احد راح زعل


وانا متاكده لوزاد النقاش حنخسر اشياء كثيرة فانا راح اقفل الموضوع